Chiikawa系列新品登陆7-11　5甜品$12起/免费咖啡杯/卡簿/网袋/匙扣

Chiikawa（吉伊卡哇）粉丝注意，7-Eleven突发推出全港独家7-SELECT x CHIIKAWA烘焙系列，5款新品最平$12就有交易，当中必抢日本直送的白桃蛋糕及蜜瓜卷，连7CAFÉ杯都换上全新Chiikawa设计，Hachiware小八与Usagi兔兔齐齐登场。

Chiikawa系列5款甜品登场

<日本直送>Chiikawa芒果忌廉泡芙$16/件

泡芙入面浓郁嘅吉士酱，加埋芒果风味，甜而不腻。口感柔软绵密，仲要外皮充满蛋香，一定会一试爱上！

<日本直送>Chiikawa白桃忌廉蛋糕$16/件

蛋糕添加咗真桃子粒，食落有清甜果香。内馅用咗柔软嘅忌廉，搭配埋白桃嘅清新味道，口感丰富又唔腻，係你嘅幸福感来源！

Chiikawa朱古力巴斯克芝士蛋糕$28/件

牛奶味醇厚嘅忌廉芝士，结合埋浓郁嘅朱古力味，每一啖都充满惊喜！内里柔软滑腻口感，配搭一层朱古力海绵蛋糕，层次丰富，巴斯克芝士蛋糕迷一定要试！

Chiikawa蜜瓜吉士包$12/件

以日式烘焙技术製作出鬆软嘅蜜瓜麵包，麵包入面仲加入咗香滑嘅日本蜜瓜吉士，每一啖都会散发淡淡嘅蜜瓜清香，甜食都可以食得清新！

<日本製造>Chiikawa蜜瓜忌廉瑞士卷$14/件

鬆软蛋糕配埋幼滑香浓嘅蜜瓜味忌廉，入口软绵，口感丰富，锺意蜜瓜嘅你点可以错过。

7CAFÉ杯套换Chiikawa新装

新一年，7CAFÉ将会继续为大家送上唔同嘅醒神惊喜。今次7CAFÉ推出Chiikawa系列，为热饮杯同冻饮杯套换上2款新装。2款设计都独特可爱，印有Chiikawa、Hachiware、Usagi及Momonga等人气角色。

由即日起，嚟7CAFÉ买各款冻热即磨咖啡就可以拥有Chiikawa限定热饮杯/冻饮杯套，数量有限，粉丝行动要快啲喇！

Chiikawa硬卡簿/刺绣网袋/亚加力匙扣

今期7仔为Chiikawa迷带嚟一系列超可爱又实用嘅新品，快啲睇吓有咩心水啦！

Chiikawa硬卡簿（4款）

Chiikawa、Hachiware、Usagi同Momonga以各式各样嘅可爱姿态现身，等紧你带佢哋返屋企！无论你係想写吓生活日记、做功课笔记，定係随手画吓创意草图，呢本笔记本都係你发挥创意嘅最佳舞台！

产品尺寸：约L18cm x W13cm x H1

Chiikawa刺绣网袋（4款）

Chiikawa、Hachiware同Usagi嘅经典造型，全部绣晒喺呢个刺绣网袋上面！呢4款网袋颜色柔和，而且高收纳功能，收纳日常小物必备！

产品尺寸：约L21.5cm x W1cm x H17cm

Chiikawa亚加力匙扣（2款）

一众角色嘅可爱魅力，全部浓缩喺呢个亚加力匙扣度！设计小巧精緻，仲配埋清脆嘅铃铛声，令人爱不释手！无论挂喺锁匙、定係手袋上面，轻鬆展现你独一无二嘅个性！

产品尺寸：约L11cm x W1cm x H16cm