香港美食推介：抵食日料餐厅！三色丼性价比高

　　好有日本感觉，亦都见到有外国人在门口照相，但稍为感觉上门口就欠缺左一个餐牌，如果有个餐牌就相信一定会更加吸引客人。

　　一入到去就有职员招呼我地啦！带我地埋位啦！跟住就非常非常有礼貌咁介绍抹茶粉，又拿来一壶热水，并且清楚详细咁样介绍佢地嘅iPad落单apps,好清楚咁样教我地点样用，讲完就明晒啦！服务非常周到。

　　其实个餐牌都非常丰富，有寿司，军舰，卷物，丼，沙律，小食，刺身及甜品等，其中寿司都占较大篇幅，餐厅都会将唔同嘅鱼分别建立为一个大标题，款式多到我同女友都望左好耐，咁但系因为我女友唔太好食生野，想食d熟野，咁我地最後就叫左以下菜式啦！

　　味僧汤$20

　　味僧的主要成份大豆经医学分析含有多种营养成份，对人体有各种好处。 现在被不少养生与爱美人士当成减肥与排毒圣品。据说日本出名嘅长寿村d老人家一日饮几碗呀！而这碗味僧汤的味道都非常浓郁，亦带有浓郁昆布味道，好香好好味道，而且感觉上系绝对无味精。

　　蟹膏沙律$68

　　好，跟住到蟹膏沙律啦，蟹膏沙律佢黎到果阵我同女友都哗左一声，好大兜呀！虽然卖相一般，但系蟹膏系咁嫁啦！正常呀！咁e道菜我地用对眼望落去都见到系好新鲜，椰菜就真系好鲜甜，就咁食都系好鲜，咁蟹膏松叶蟹就好鲜甜，有一种新鲜海鲜嘅味道，同埋e个沙律抵赞之处就系一d都唔偷工减料，当你泼开d蟹膏望一望入面嘅时候，我心里面以为都系好多菜垫底，哗!原来系禾秆冚珍珠，超爆多蟹肉呀！

　　蟹肉嘅比例系完全多过d沙律菜呀！咁开始嘅时候我就独立咁食d蟹肉，加埋d蟹膏嘅时候就真系非常鲜美，但系就会可能浓味少少，但系我之後就用d菜黎包住黎食，味道完全一流，沙律菜味道稍为中和返少少蟹肉同蟹膏浓味，变得非常贴切，而且份量非常足够，坚系抵食!

　　穴子丼$108

　　穴子丼就即是鳗鱼饭，黎到之後卖相都好好，咁佢d鳗鱼都系非常厚身，咁上碗之前都会经火炙处理过，夹起上来都有阵阵鳗鱼香味涌出黎，另外就再加上阵阵火炙味道，咁我地都急不及待夹旧试下啦，食落去果下完全好感受到香嘅鳗鱼味，而鳗鱼汁份量都刚刚好，不会因为太多汁而抢去鳗鱼嘅鱼味，而芝麻嘅味道就令到e旧香口嘅鳗鱼更上一层楼，两只味道简直配合得天衣无缝。

　　三色丼$168

　　三色丼就包括吞拿鱼腩蓉，新鲜海胆及蟹膏松叶蟹丼啦！一个菜式有三种味道，我都唔知可以去边度搵呀！另外餐具极之精美，真系真系忍唔住狂帮佢影沙龙放上网去呃like呀！

　　咁我首先就食左个海胆饭先啦，海胆就真系非常新鲜，入口果种鲜味真系非常强劲，味道简直是跟系日本食一只即开海胆无咩分别，又系唔需要落咩调味，味道甘甜，质感细腻，几乎入口即溶，吃一口，便明白海胆为何这麽受欢迎。

　　而三碗饭都系用寿司饭，已经好有味，因此我都系无用过 一滴豉油，食完e碗，好心急咁样就试第二个香葱吞拿鱼蓉啦，吞拿鱼蓉加上葱粒及芝麻，完全覆盖吞拿鱼上嘅小小腥味，但系就能够保存吞拿鱼嘅鲜味，另外就好香油脂味，e个饭真系绝对能够使我对吞拿鱼改观，因为我之前都唔系好食吞拿鱼呀！原来吞拿鱼都可以咁好味呀！

　　好唔舍得咁样到最後一个啦，蟹膏松叶蟹丼，其实蟹膏蟹肉都系同之前个沙律一样，都系咁香同埋份量都系咁多，不过今次摆设上就有少少分别，就系师傅系上面放左少少香葱，加左香葱之後个饭就真系更加香，而蟹膏流晒入个饭之後就真系无得输呀！完全另到我忘记左差不多饱嘅感觉，最後都系食晒。

呀！我觉得佢地用料真系好新鲜呀！

　　十和田总本店

　　地址：尖沙咀金马伦道42号华懋金马伦中心地下

　　交通指引：港铁尖沙咀/尖东站 B2 出口, 步行约3分钟

　　营业时间：星期一至日11:30 - 16:30/17:30 - 23:00

　　付款方式：Visa Master 现金