香港美食推荐——海洋公园多啦A梦圣诞套餐

人人期望可达到...听到这首歌，就知道多啦A梦来喇！今年圣诞，多啦A梦及一众朋友仔要来香港海洋公园与你共度X'mas。多款「多啦A梦圣诞主题套餐」同节日美食等着你，随餐更有机会附送多啦A梦纪念礼品，粉丝不容错过！

多啦A梦圣诞主题套餐（HK$398/位）

    法宝多多嘅多啦A梦，梗系话变就变，之前万圣节造型一转，即变圣诞look，同样cutie。为咗迎接圣诞，海洋公园海龙王餐厅特别设计咗多啦A梦主题套餐，於忌廉青豆蓉汤伴带子、烟三文鱼配蟹肉蜜桃沙律中加入多啦A梦造型多士作装饰，识食记得相机先食喇！

忌廉青豆蓉汤伴带子嘅卖相，好似将多啦A梦置身雪花飘飘嘅空中。

烟三文鱼配蟹肉蜜桃沙律砌成圣诞树形，好有圣诞fu。

圣诞套餐由2014年12月13日至2015年1月4日，每位HK$398。

    另有多啦A梦主题下午茶套餐，如杂莓鬆饼伴鲜果，鬆饼上印有多啦A梦笑面，重有公司三文治伴薯格、迷你汉堡、牛油鬆饼等选择，玩到饿即可医肚。下午茶套餐，价钱由HK$148~$188不等。

杂莓鬆饼伴鲜果由3层鬆饼夹住生果做成，鬆饼上有多啦A梦，傍边重有小雪人做装饰，kawaii。

    多啦A梦主题甜品

    海洋公园入口附近嘅水都饼店将供应多啦A梦曲奇、多啦A梦焦糖咖啡，色彩繽纷嘅多啦A梦cupcake（$32/个)，抢眼度爆灯，引到人流晒口水。部份多啦A梦美食现已在园内供应，查询详情及订座，可致电+852 3923  2161。

色彩繽纷嘅多啦A梦cupcake（$32/个)

    日期：2014年12月13日至2015年1月4日

    交通：从港铁金钟站B出口或中环天星码头搭乘629号巴士前往