香港自由行攻略：8.3夫妻俩狂扫HK荷花BB用品展+旺角扫货兼遇《爱.回家》明星拍戏

第一次去香港BB展，睇咗攻略~做足功课~。由于种种原因，最后选择咗8月3日呢个咁尴尬嘅日子过香港~星期日，展会入面香港人会较多，而且第二日系星期一，要拖住超级疲惫的身躯上班...唉...战友仲要一直等到星期六都未收到本证，佢星期一加签注，无谂到要第二个星期一先收得到~RP认真唔好~

交通：香港中旅 去程：5点40分 华厦上车（深圳湾过关）——湾仔地铁站

回程：21点35分 旺角中旅上车（皇岗过关）——华厦

自己都唔太记得点样上咗车，迷迷糊糊咁，一觉瞓醒，就到咗深圳湾啦~第一次过呢边~~落车大概7点10，过关无乜人，排咗大概20分钟就搞掂啦~~不过上番车后，一直等满员先走得，唉，呢度浪费咗好多时间，大概8点9先开车~原本都想坐高铁过去，不过既然直通BUS可以直达湾仔，咁又何必要折磨自己呢~落咗车，上咗行人天桥，转左，一路顺住天桥穿过两栋写字楼，就到达会展啦~9点40分，门口排咗都有一百多人~

等咗一阵，9点55分，开始放D人入场啦~由于朋友8.1嚟咗，佢话最有价值嘅赠品系雅培（报价）嘅录音小熊，所以，我同LG分头行事，佢先去雅培排队，我就去买小册子~两个人，攞住4张门票入去，换咗4本小册子~人手两本，开始作战！

喺雅培排咗15分钟队，听咗5分钟3D学堂，喺纸仔度盖个章！就可以攞小熊~我比咗两张佢盖，佢帮我盖晒，LG的RP唔够好，嗰个人唔肯帮佢盖两张~所以我哋换咗三只小熊~！

之后就去买我哋嘅HIPP~HIPP1480有12盒，比水货仲抵~所以就订咗12盒，可惜无港版奶粉嗰D超正嘅玩具送啰~~只系送咗包饼仔~~唉~~搞掂就再行下扫下咁啰`~无FACEBOOK就真系比较麻烦~好多摊位都要点LIKE先可以有赠品~不过亦都有微信嘅~喺神奇妈妈尿片（报价）度，扫微信，点知信号唔好，一直加唔入，嗰个姐姐仔好好人，话比咗我先，叫我番嚟再加喔~~香港本土嘅新牌子，包装好靓~而且质量尚算可以，50蚊有28片XL码，可以平时粗用~买两包送个有拉链嘅环保袋，就托咗两包啦~

我哋带唔够现金，带咗5K，用晒，最后搞到想买套粤语同英文互译嘅点读笔比一一，竟然唔够钱~荷包得番1000蚊，嗰套嘢1680，唉...下年2月再去过！

LG呢次真系唔话得，我哋扫到1点钟，佢话有D饿啦，然后我就喺场边执嘢装箱，佢就出去M记买包包（报价）~食饱坐咗阵，再去扫过~

大概5点钟，我哋都好攰啦，无晒兴致排队啦~~就灰溜溜咁坐地铁去旺角~本来谂住拖晒D行李去香港中旅度寄存，去到见到个柜唔系太大，可能放唔晒两个拉喼~转身一望，见到一间三层高的星爸爸~哈哈，希望在人间！

好有香港味道的星爸爸~放低行李同LG，我一人继续杀去扫货~先去街市买咗两盒蓝莓比一一，佢发开口梦都挂住蓝莓~哈哈~20蚊一盒有机嘅~再穿过旺角行人专区，竟然比我见到拍戏~仲要系晚晚番屋K都睇嘅爱回家~哈哈~~虽然系小星星，都好啦，第一次喺香港遇见星星~~（啊，唔系！好多年前喺街度见到余慕莲...）

去B&M帮朋友托咗四罐奶粉~（我哋晚黑过关已经11点，香港关根本无人，完全唔使过机~~早知就.....哈哈哈，你们懂滴~~）再闲逛一下SASA之类~再去惠康同百佳扫咗D零食~大概行咗一粒钟，就番星爸爸接番个LG啦~喺附近嘅茶餐厅食咗个晚市套餐，38蚊，有个茄牛通+炒蛋+菠萝包+热奶茶。好实在！食饱再行咗一阵，买个雪糕同LG坐喺港中旅旁边嘅球场度等车车~

番到屋K已经1点啦....6大件嘢原封不动放住~第二晚先拆~下面嚟晒一下我哋嘅战利品！~

呢D系完全唔使钱嘅赠品~录音小熊最给力~超赞！HIPP嘅水就最重最占地方~挂钩同洗头水都好实用~

以下系**买嘅~NUK嗰个玩具我还以为一一会慢慢学玩，点知佢用咗15秒就完成拆同装的过程，然后直接无视咗个玩具了~~35大元就咁秒杀了~

推荐导读：香港自由行攻略：香港两日游 暴走＋小败（所有产品附有明细价格清单）

推荐导读：香港晒货：HK购物大堆各种护肤品、宝宝食品（附有商品详细功效及价格）

推荐导读：香港晒货：7月12日暑假香港抢货记 无大牌哦 ！（上）