香港晒货：Bauhaus开仓秀战利品

    早前已经向大家介绍过 Bauhaus 开仓的信息~上星期我就已经亲身去扫货啦!!!地点系荃湾既工业区, 不过系港铁站 B2 出口 (吉野家旁)。

    星期六旁晚去到, 已经好多人啦!!!入面人山人海, D 衣物都乱七八糟咁, 要搵心水平货就要花D 心机啦~~(当然最好就系一早去啦, 衣服摆放会整齐 D 喔''*)。

    另外今年还备有福袋, 有不同尺码及男女装之分!!!可以买返一个来撞撞运气, 入面包括三款不同的精选货品!!

    而且仲设有鞋履, 手袋及银包区域~大量款式真系令人花多眼乱啊!!!特别银包方面就最抵买啦~HK$290 就有 1个, HK$390 有 2个''*SALAD 既银包好好用架, 我宜家都系用紧 SALAD 的呢!!!

    有去过 Bauhaus 都知道大部份衣物都系以颜色点点来分价钱!!!全部都系低至一折架~~~另外仲有买5送1, 买9送2 既优惠 (不适用于皮具区及精选区) 实行买得多就送得来喔!!!

    冬天当然主打外套啦!!!!今次开仓有好多唔同款式既大褛, 羽绒''*件件都超抵价, 买多几件黎过冬就最适合不过啦~~~

最后我买左哩件灰紫色格仔大褛!!!款式都几斯文喔~~

    价钱仲吸引啊~~原价要成 HK$1895, 开仓价只需要 HK$350 咋!!!真系抵到烂, 唔买对不起自己喔''*

    大褛系 Salad 品牌, 以啪钮设计~入面系毛毛料, 好暖好舒服, 而且仲可以拆出黎架''*

    衬上连身裙都已经好好睇啦~~款式都几百搭, Causal 又得斯文又得架!!!! Bauhaus 开仓去到12月29日架''*未去既就快 D 去, 每日都会有新款衫上架喔~~~为衣柜添上新衫啦!!!!!

Bauhaus 开仓

地点: 荃湾德士古道204-210号和富大厦12楼

日期: 2013年12月12日至 29日

时间: 11:30AM ~ 8:30PM