5.23香港一田百货促销归来晒单（BB用品）

  一早就留意住一田一年2次既促销优惠周，今次系星期四开始，岩好仲放紧产假就约埋另一个妈妈一齐过去扫货。唔知系米因为旧年太多人排队入场，所以今次提早到9点就开门，适逢遇到SOGO周年庆，所以无论过关定火车都系好多人，再加上我旧年5个月既时候去左一次香港比海关记录左，今次销记录又搞左成个钟。到达一田已经系11点，成个场已经好多人，直奔BB区罗住清单就执货。吸收左上次既经验，今次都系选好晒货，开好晒单先去埋单，但都一样排左好耐。最恐怖就系超市，排队罗购物车要1个钟，埋单要1个钟，最后果断放弃超市里面既米粉，转去万宁Baby买。详细购物清单如下：

总结下今次购物情况：

感觉上促销无上次平，大部分BB用品都系85折，好似平时去吉之岛都有呢个折扣。今次去主要就系买博朗（香港叫百灵牌）既耳温枪，9折，有4020同4520两款，4520要再贵90蚊。朋友以前买左1个，用左12年。问左Sales姐姐实际分别，就系4020得1个记忆体，只可以睇翻上1次既记录，4520就有8个记忆体，可以睇翻上8次既，感觉上分别不大。屈臣氏同万宁V都有得卖，无折，但额外再送多20个耳套。贺曼既衫全线7折，广州呢个牌子正价卖得超贵，香港就平民得多。Vtech既玩具都好平，广州吉之岛随便一个波波都要200几，好后悔无买多2个。