香港购物：H&M Forever21好搭精选

    忙碌工作亦不忘败家﹗XD XD讲到买衫，除左商场仔，我亦钟意逛又平又抵着既H&M同埋FOREVER21﹗至于网上购物就比较钟意淘宝及G MARKET，而家连CHERRYKOKO都少逛，因为我已经唔驶再买斯文款~如果转左做化妆师，再着到咁欺文，真系会被误以为仲做紧文职架﹗哈哈﹗
 

    所以想装身时，H记及F记绝对好逛﹗仲可以试身嘛~讲开试身，上次去FOREVER21等fitting真系等左好耐好耐......有成廿几个人等fitting，发觉只系开得几间fitting room，唔怪之得啦~虽然我唔知有咩制度，但我未试过等成40分钟先试到身。= ="讲完题外话，快d去片睇下我买左d乜啦~

     系咪都算好一目了然呢﹖^^无错，今个春夏当然要继续Colorful﹗着衫唔好怕多色，只要唔系衬到不伦不类，有返d大路色搭够返就冇有怕~
 

     首先系款式易搭既白色衬衫，购自H&M，是透视质地的啊~绝对系每个女孩都应该有一件白衬衫﹗佢易衬：无论casual定系欺文定系boylish都可以用得着~我个人钟意透视款，仲要大件少少，宽身反而显瘦。将衫尾摄入裙/裤就可以扮高啦~ 哈哈﹗

     之后又系百搭到晕既直条短裤，亦系H&M﹗黑白色，仲唔咩都衬到﹖但唔好衬返直条/横条呀~ (傻都知啦, 哈哈~)无论上身想衬鲜d，定系classic既颜色，一样掂。但条裤其实都好短下，露左大半截大腿架，怕短既女仔一定要试清楚~我Prefer用佢泥衬长袖/中袖上衣，质料轻薄就唔怕热啦~ 中和返下身好似好性感既错觉~ ^^

    佢地既打底平得泥质地算系咁，好对得住个价钱，所以今次都由FOREVER21到入左一件白色。佢虽然系打底，但因为佢有个小口袋，我亦会将佢当面衫咁着架~ 实行一物几用~我比较钟意窄身修身既衫尾，所以会将个衫尾系侧边打个结，咁就有少少露腰既效果啦﹗下次有机会SNAP可以示范俾大家睇呀~ ^^

     今年亦好兴呢D喱士图腾既衫，我见H&M & F21都有好多。呢件黑色就系由H&M入手，钟意佢细细件图案靓，短身可以露少少腰，绝对会显高啊~用泥衬短裤出去沙滩玩，或者衬深色长牛仔裤都得﹗(基本上又系点衬都无事~ ^^)大家未入手就快D去试下啦~

    仲有呢件直条背心，直条又系非常显瘦既pattern，加上今年都几兴有领款背心，我都入左件。一向都钟意colorful items，所以都拣左件蓝蓝地紫紫地既直条。呢件系购自Forever21既，价钱都系抵买之选﹗

     上面讲到入左条短裤，我钟意衬返中袖/长袖既上衣，牛仔衫就系好好既选择﹗我好钟意呢件H&M既浅蓝色牛仔衫，感觉fresh d，用泥做外套/净着都简单好睇。系呀... 有时简简单单仲好睇呀~你睇外国d达人着得几型几好睇﹗牛仔衫仲要系长青item，点都要有一件啦~ ^^

    买左咁多衫又点少得accessories﹖我系H&M对呢个粉橙色小包一见钟情，咪就系因为YOUNG同易衬。有D茔光色，但又好粉嫩，岩哂夏天去街街~但个袋真系唔太实用，放唔到D乜，我放左个银包及眼镜盒已经无乜位。= ="迫住我去执袋﹗我系超懒执袋架~ 成日拎住个石头出街，哈哈~

     仲有呢副有睇唔好用既太阳眼镜。Well，我一年都唔会带一次墨镜，我好似真系买埋d唔等洗既野... = ="其实唔系呀，虽然我少带，但我钟意架系头顶做装饰，成个look望落冇咁闷架~加上粉红色镜框，价钱平$69 又好得意﹗(购自H&M)

 
    最后系H&M排队俾钱时，都可以拣到野，哈哈﹗就系呢束手炼，好好衬好方便好Sharp，点都要带埋你回家。呼... 咁我就破财了﹗今个月买衫都花左唔少钱呀~虽然每件都系平平地，但加加埋埋都好襟计。无计啦，我总要出泥见人架嘛，更何况买衫可以舒缓压力，值得既~ ^^