MLBB其实泛指裸色偏粉，例如豆沙色、珊瑚色、干燥玫瑰色等。各位美女是不是还没有选到合适的MLBB色呢？那今天的大比拼就要看看啦！

测验持久度：用沾湿的化妆棉来回拭擦。

　　LANCOME Matte Shaker #272 　HK$230

　　显色度：★★★☆☆

　　颜色还原度：★★★☆☆

　　持久度：★★★★☆

　　点评： LANCOME呢支Matte Shaker内含精华油分，令质地偏水润贴薄，而且搽上嘴颜色都明显。不过笔头较大，因此画嘴角位置要较为小心。另外颜色方面系五款中最粉嫩，较适合春夏使用。

　　YSL Rouge Pur Couture Vinyl Cream #407　 HK$295

　　显色度：★★★★☆

　　颜色还原度：★★★☆☆

　　持久度：★★★★★

　　点评：搽上嘴嘅颜色有少许偏深，五款中较为唔似MLBB色。但显色度却非常好，仲有效遮盖唇纹。而且佢真系非常持久，即使用沾湿嘅化妆棉狂抹都抹唔甩！

　　CHANEL Rouge Allure Ink #156　 HK$280

　　显色度：★★★☆☆

　　颜色还原度：★★★★☆

　　持久度：★★☆☆☆

　　点评：质地非常creamy易推，而且够实色，单单搽上一层已经完成遮盖原本唇色，但就有少许偏乾。颜色就较为贴近奶茶色，适合喜欢偏裸色嘅sis呢～

　　Laura Mercier Paint Wash Liquid Lip Color – Rosewood HK$240

　　显色度：★★★★☆

　　颜色还原度：★★★☆☆

　　持久度：★★★☆☆

　　点评：整体上相当平均，不论系显色度、持久度都好唔错，如果怕用matte色唇膏太乾但又唔想有太劲嘅光泽水润感，呢支Laura Mercier就啱晒你。

　　Dior Rouge Dior Liquid #527 HK$280

　　显色度：★★★★☆

　　颜色还原度：★★★★☆

　　持久度：★★★☆☆

　　点评：颜色超靓！系五款中最贴近MLBB嘅粉嫩裸色，但可惜系唇膏质地偏厚身以及偏乾，嘴仔较乾嘅你记得先搽润唇膏打底！